सौदी अरेबियाच्या विनंतीवरुन यंदाची हज यात्रा रद्द

नवी दिल्ली : कोरोना संकटामुळं यंदा देशातून कोणालाही हज यात्रेसाठी न पाठविण्याचा निर्णय केंद्र सरकारनं घेतला आहे. सौदी अरेबियाच्या हज खात्याच्या मंत्र्यांनी भारतातून हज साठी यात्रेकरूंना पाठवू नका असा सल्ला दिला आहे.

त्यामुळं हा निर्णय घेतल्याचं अल्पसंख्यांक मंत्री मुख्तार अब्बास नक्वी यांनी सांगितलं. यावर्षी हजसाठी २ लाख 13 हजार अर्ज करण्यात आले आहेत. या सर्व अर्जदारांना आता कुठल्याही कपातीशिवाय परतावा दिला जाणार आहे.