प्रधानमंत्री २८ जून रोजी ‘मन की बात ’या कार्यक्रमातून देशवासियांशी साधणार संवाद

नवी दिल्‍ली : प्रधानमंत्री नरेंद्र मोदी,‘मन की बात ’या आकाशवाणीवरुन प्रसारित होणाऱ्या कार्यक्रमातून येत्या २८ जून रोजी देशवासियांशी संवाद साधणार आहेत.

कोविड-१९ चा सामना करण्यासह अन्य विषयांवर सांगण्यासारख्या नव्या कल्पना, सूचना पाठवून जास्तीत जास्त जणांनी यात सहभागी होण्याचं आवाहनही त्यांनी केलं आहे.

यासाठी नागरिकांना 1800-11-7800 या मोफत दूरध्वनी क्रमांकावर  किंवा नमो भ्रमणध्वनी ॲपद्वारे तसंच माय जीओव्ही ओपन फोरमचा वापर करता येईल.