अत्यावश्यक सेवांसाठी मुंबईत उपनगरीय रेल्वे सुरु होण्याची आवश्यकता असल्याचं मुख्यमंत्र्यांचं प्रतिपादन

मुंबई : मुंबईमधे अत्यावश्यक सेवांसाठी उपनगरीय गाड्यांची वाहतूक पुन्हा सुरु होणं गरजेचं आहे, असं मुख्यमंत्री उद्धव ठाकरे यांनी म्हटलं आहे. ते आज मुंबईत पत्रकार परिषदेत बोलत होते.

कोविड-19 चा धोका अद्याप कमी झालेला नाही, कोविड प्रतिबंधासाठी आवश्यक नियमांचं पालन केलं नाही, तर पुन्हा लॉकडाऊन वाढवावा लागेल, असं ते म्हणाले.