पिंपरी-चिंचवड महानगरपालिकेतर्फे ३० जूनपर्यंत मिळकत करात सवलत

पिंपरी : पिंपरी चिंचवड महानगरपालिकेतर्फे शहरातील सर्व नागरिकांना आवाहन करण्यात येत आहे. शहरातील नागरिकांनी सन २०२०-२०२१ मिळकत कर ३० जून २०२० पर्यंत रोख भरल्यास १० टक्के सवलत व ऑनलाइन करांमध्ये १५ टक्क्यांपर्यंत सवलत देण्यात येणार आहे.

सदर योजना ३० जून २०२० पर्यंत लागू राहणार आहे. तरी शहरातील सर्व नागरिकांनी या योजनेचा लाभ घ्यावा, असे प्रशासनातर्फे सांगण्यात आले आहे. महिला, माजी सैनिक व दिव्यांग नागरिकांना ५० टक्कांपर्यंत सवलत मिळणार आहे. या योजनेचा शहरातील मिळकत धारकांनी लाभ घ्यावा, असे प्रशासनाच्या वतीने सांगण्यात येत आहे.