विजय दिवस संचलनात सहभाग घेण्यासाठी संरक्षणमंत्री राजनाथ सिंह आज मॉस्कोला रवाना

नवी दिल्ली (वृत्तसंस्था) : दुसऱ्या महायुद्धातनी विजय मिळवल्याला ७५ वर्ष पूर्ण होत असल्यानिमीत्त, रशियाची राजधानी मॉस्को इथं आयोजित विजय दिवस संचलनात सहभाग घेण्यासाठी संरक्षणमंत्री राजनाथ सिंह आज सकाळी मॉस्कोसाठी रवाना झाले.  

हा कार्यक्रम याआधी ९ मे रोजी होणार होता. मात्र कोरोनाच्या पार्श्वभूमीवर तो त्यावेळी स्थगित केला होता. आपल्या या भेटीदरम्यान आपण रशिया आणि भारतातली संरक्षण आणि सामारिक भागिदारी अधिक मजबूत करण्यासाठी काय करता येईल याविषयीदेखील चर्चा करणार असल्याचं राजनाथ सिंह यांनी ट्विटर संदेशात म्हटलं आहे.