बनावट चलन प्रकरणी पुण्यात अटक झालेल्या ६ जणांना आज न्यायालयानं १५ जूनपर्यंत दिली पोलीस कोठडी

नवी दिल्ली (वृत्तसंस्था) : बनावट चलन प्रकरणी काल पुण्यात अटक झालेल्या ६ जणांना आज न्यायालयानं १५ जूनपर्यंत पोलीस कोठडी दिली. भारतीय आणि अमेरिकी चलनाच्या बनावट नोटा बाळगल्याबद्दल लष्करातल्या एका जवानासह ६ जणांना काल अटक झाली.

लष्कराचा दक्षिण विभाग आणि पोलीसांच्या गुन्हे शाखेनं या कारवाईत सुमारे ८७ कोटी रुपये मूल्याच्या बनावट नोटा जप्त केल्या.